泰成菜館 (已易手) 新餐廳

自問甚少响九龍城以外嘅地方食泰菜，因龍城內嘅泰菜館確實價亷物美，母須過第二區到試la..但每次行過呢度，都見到長長嘅人龍，心諗: "真係咁得?"...温度忽然驟降，又係食煲仔飯嘅時候。跟太座依慣性又行去新翠華食其炭爐煲仔飯。望見門外嘅人龍，知驚；又拎轉頭望吓呢度...咦...唔使排隊wor....於是轉嚟呢度...可能天氣凍，好餓，於是大叫特叫...蝦醬通菜，份量足；泰式蝦醬味鮮而濃，配合通菜簡直係天衣無縫，堪稱"送飯王"....最後冇叫白飯，因為太座想食pad thai。味道甜甜酸酸，唔油，跟响泰國食到嘅極其相似(除香料味及辣味冇咁重之外)，極滿意...食出信心來，再來一碟祖厨蝦，查實即係椰汁咖喱蝦。蝦夠新鮮彈牙，椰味濃，咖喱夠惹味，堪稱另一"送飯王"....正式平、靚、正。尤其响銅記咁嘅地段，更加難得...值得推介....