放假仲要忙搬屋,所謂老鼠搬家~~有好幾日要忙忙忙忙...
幸得老友~老鼠仔相助~當柴可夫,仲幫埋手搬野~
搬了一整天,為了答謝鼠仔,飯後出了銅記請佢食甜品~
咁o岩見世貿有車位,就上了去久違的滿記~~
可能正值飯後時間,都幾多人等位~
等左十分鐘終於有位~
老友鬼鬼o既我地都係楊枝金露o既fans,
所以即點了兩碗~!!
仲額外點了一客鼠友至愛~~"榴槤pancake"~
久違的楊枝金露果然冇令我地失望~
甜度適中之餘,口感亦十分奶滑~
微帶淡淡椰香~
同埋冇諗過已踏入冬季喇,但e度選取的仍是香甜的靚芒!!
有別出面有時會食到打冷震的酸芒版!!
招牌榴槤甜品老店,水準果然仲keep得好好~
pancake外皮軟滑,裏面包住分量適中的cream+香濃的榴槤~~
"兩者既不搶了對方o既風采,仲互相起了微妙的分子作用"!!
令人每咬一啖都感覺回味無窮~~~~
這種甜甜的滋味,瞬間淡化了我地一整天的累氣~
明天又要再努力嚕~~
