利寶閣 (已結業)

夜晚上到利舞臺搵食，經過利寶閣就比poster吸引住，因為見到傳聞中嘅＂黯然銷魂飯＂。第一時間入去攞位。坐低除咗睇餐排外，見到啲杯杯碟碟都幾精緻。好快主角上場，嘩，堅正，色香味樣樣有。叉燒好林丶啲蛋撈落啲飯到加埋甜豉油，呢個配搭非常正。佛跳牆都係第一次食，原來都好足料，有鮑魚丶海參丶魚鮙丶花膠丶冬菰丶豬肉。清甜又好飲。呢個就係個餐夾埋個様。另外，又揀咗另一個餐，龍蝦加清蒸花尾仔，都好低食。龍蝦開邊都算大隻，加埋伊面嘅味道都幾好。清蒸花尾仔大約有一斤半重，魚質又幾滑，蒸魚豉油送飯一流。最後，當然有糖水送，係紫米露。