點點心 (已搬遷) 新店位置

唔知係我地好彩定係點，無定位去到還啱啱有位，好luck，呢度點心真係夠曬抵食，十幾蚊就有一碟，平而且正吖！蝦餃係我最愛，不過呢度蝦餃不太滿意，覺得比稻香都不如，皮一點都不韌。本來有D失望，不過食咗燒麥皇又覺得好美味，蟹仔很脆，粒粒彈牙吖，裡面的鮮蝦很大顆很鮮，肉肉很滑，全滿分吖！豬仔流沙包，裡面嘅流沙真係會流嘅，豬仔形狀有得意，裡面餡又好味，色香味俱全吖！豉汁鳳爪也很不錯，很入味很軟，骨頭都好有味道吖，仲有茄子釀肉，軟軟的茄子吸收了肉的鮮味甜味，加上茄子本身的細膩口感，強烈推薦吖！得閒可以約埋三五知己一齊來歎杯茶吖！