點點心點心專門店 (已搬遷) 新店位置

近期開得最多都係點心舖頭，其實我好喜歡上酒樓嘆下茶食下點心，不過等位飲茶確實浪費不少時間，這些精品點心舖可以令我解決到「心癮」，大部份又唔洗加一，幾好囉!裝修簡單唔花巧，企理算衛生。 服務細心，點心款式都有三四十款，都多選擇。 佢哋話每個月都會有d新點心出，幾有心思!地方有d吊腳，門口不時炒牌，要小心!價錢經濟非常合理，一般$50一位有交易，已經飽飽。真係菠蘿包，上枱仲熱烘烘，內有菠蘿同奶黃，酸酸甜甜唔會太漏，好香好味道!脆皮蝦腸，蝦未係做到爽口，但用米網捲住炸就好脆口，可以!鳳爪排骨飯，飯香而蒸到有一粒粒嘅咬口，唔錯唔錯!趣緻甘筍仔，外型整到成隻甘筍，好得意。 內有芋蓉，好香滑，正!蒸燒賣，大大粒又足料，好!馬拉糕、綿花雞、春卷、蒸牛肉腸、杏仁蛋白茶都不過不失，ok!一定會再去啊!