享慢煮意 (善慶街) (裝修中)

來到中上環上山上山再上山，拍戲場景，樓梯s......搵到間流心牛角包餐廳《享慢煮意》，有我的至愛~酥皮美食，朋友要食肉+甜品，呢度可以達齊曬三個願望。《三個courses嘅套餐》A. 醬爆蟹膏牛角包~入到嚟已經聞到好香嘅酥皮味，上次喺元朗試過酥皮海鮮煲+流心牛角包，今次試呢度嘅醬爆蟹膏牛角包，味道非一般流心 龍蝦湯味，蟹膏味香濃，越食越滋味。B. 法國油封鴨髀配香煎鴨肝~烹煮工序好麻煩，喺街見到一定要試一定要食，香脆外皮及一絲絲嫩滑鴨肉。單點咗嗰餐牌上嘅豬鞍，西班牙黑毛豬鞍&黑毛豬頸配蘋果南瓜蓉~豬鞍嘅肥肉瘦肉一層層，真係不得了， 肥肉嘅香味一試難忘，豬頸肉爽口唔韌，質感唔錯。C. 甜品-真空慢煮焦糖燉蛋~晚餐仲有個甜品，朋友話食到飽都要食埋個燉蛋，香脆嘅焦糖，滑捋捋嘅燉蛋，唔會太甜，我都試咗少少，正！餐廳好適合情侶，柔和的燈光，氣氛好浪漫，都適合三五知己叫佢飲品慢慢傾。