混亂拉麵 (已結業)

鍾意拉麵既朋友一定有食過，我都唔係第一次食，上2次同個心急食，差唔多倒落口，有次食左1/3不停問我食完未，咩mood都無啦今次同男友食，佢唔比我影，我影自己果碗，佢果碗真係好嚇人，因為叫左3份蔬菜，仲係大兜亂，成座山咁，食來食去都係芽菜，佢話差點食唔晒碗麵總括係好食既，但湯我個人黎講就咸左少少，真係好濃，飲一啖有掛口既感覺，唔係油笠笠果種，我叫個regula+2份蔬菜，女仔食到一半或以上好叻，我見對面個靚女食左1/3都唔知有無同朋友食好似係勁蔥，點解而家係勁芽菜，唔通比人追快d食完快d走，自己食過咩唔記得?平時肥豬膏唔好攪我，有兩粒"背脂先生"唔肥好甘香