影片
更多
2016-03-02
1388 瀏覽
點解啲服務會越嚟越差?其實我係附近居民, 主要幫襯嘅都係麵包部為主, 由於附近無一間似樣啲嘅麵包鋪, 所以基本上我係呢間 Simplylife 嘅常客。初初開張嘅時候其實啲服務真係好好, 啲包又好食, 所以就算貴啲啲, 我都覺得物有所值。唔知依家係咪因為生意開始上軌道, 唔憂做, 所以啲服務就開始差?呢間 Simplylife 係夜晚八點開始有特價麵包, 而唔知點解近呢一年開始多人買, 所有想買到心水麵包就要早啲排隊, 排隊我唔介意, 我介意嘅係安排混亂, 已經成一年啦, 情況都毫無改善, 成日有人打尖, 又無人負責維持秩序, 真係好差勁, 仲要收錢嗰個女仔, 次次都話: "我唔知你哋邊個排先喎", 咁不負責任嘅說話都講得出, 仲要我聽到嘅都有好幾次...... 唉....... 即係要我哋啲客自己搞掂, 幸好買特價包嘅大部份都係街坊, 大家都明白事理, 咁先無咩大問題出現。今日趁放假, 早啲落去買方包諗住整三文治畀屋企人食。因為我平時係買佢切好嘅方包, 一袋六塊。 而之前我都試過買未切嘅方包, 都係切六塊畀我, 係即刻開機切畀我, 而今日, 收銀嗰個女仔就用刀切, 切咗五塊, 我見到
其實我係附近居民, 主要幫襯嘅都係麵包部為主, 由於附近無一間似樣啲嘅麵包鋪, 所以基本上我係呢間 Simplylife 嘅常客。
初初開張嘅時候其實啲服務真係好好, 啲包又好食, 所以就算貴啲啲, 我都覺得物有所值。
唔知依家係咪因為生意開始上軌道, 唔憂做, 所以啲服務就開始差?
呢間 Simplylife 係夜晚八點開始有特價麵包, 而唔知點解近呢一年開始多人買, 所有想買到心水麵包就要早啲排隊, 排隊我唔介意, 我介意嘅係安排混亂, 已經成一年啦, 情況都毫無改善, 成日有人打尖, 又無人負責維持秩序, 真係好差勁, 仲要收錢嗰個女仔, 次次都話: "我唔知你哋邊個排先喎", 咁不負責任嘅說話都講得出, 仲要我聽到嘅都有好幾次...... 唉....... 即係要我哋啲客自己搞掂, 幸好買特價包嘅大部份都係街坊, 大家都明白事理, 咁先無咩大問題出現。
今日趁放假, 早啲落去買方包諗住整三文治畀屋企人食。因為我平時係買佢切好嘅方包, 一袋六塊。 而之前我都試過買未切嘅方包, 都係切六塊畀我, 係即刻開機切畀我, 而今日, 收銀嗰個女仔就用刀切, 切咗五塊, 我見到, 我就同佢講, 我係想切六塊, 可唔可以切返六塊畀我? 佢就話, 人手切只可以最多切五塊, 機切先可以切六塊, 我就問佢: "咁你開機切得唔得?" 跟住佢一句得埋嚟: "唔得閒喎!!!" 吓??? 明明成間鋪都無咩人, 佢自己都只係企咗响度, 無嘢做, 竟然咁講? 之後佢先補充: "夜啲先會開機...." 最後我都無奈地買咗, 買咗舊未切嘅, 唯有自己返屋企切.... 因為買得方包嘅, 多數都係整三文治, 有咩可能會切單數塊畀客? 其實佢哋可以如果真係開唔到機切或者有咩問題, 可以跟手問一問個客要切幾多塊, 有問題嘅可以切包之前傾咗先, 而唔係講啲咁趕客嘅說話囉.....
張貼
