金滿庭京川滬菜館 (時代廣場) (已結業)

尋晚一班朋友聚舊, 原本約去尖沙咀, 但下晝收到電話話改去銅鑼灣, 再晏朋友打黎話已經係金滿庭搵到位. ? 果度唔係超難搵位咩? 點解咁快? 到果陣門口已經有好多人等緊位. 搵到朋友喇, 已經得七七八八, 佢地亦點菜, 只等齊人!呢度環境唔差, 暗暗地, 望到師父係入面拉麵, 但幾嘈. 講真, 我唔係太欣賞呢度茶, 都唔香唔好飲...因為肚餓, 我未等上已經開工, 總之檯面上有都食, 有個凍食鎮江肴肉, 湯凍咁上下, 都入得口. 跟住有紅燒牛肉年糕, 個人覺得年糕同紅燒肉唔夾, 因為紅燒肉醬汁唔可以好快咁俾年糕吸收, 年糕索唔到肉汁, 自然失色啦! 不過我係有地方食呢個紅燒肉係會配包或者係風鈴夾之類, 配年糕真係第一次食. 另外一個蜜汁火腿連子風鈴夾就幾好味, 蜜汁火腿有好濃蜜味同酒味, 好香甜, 夾埋落個風鈴夾(類似饅頭, 但一塊塊, 味道同饅頭都有少少唔同) 入面, 風鈴夾索晒蜜汁, 好正! 仲有沙窩雲吞雞, 清清地, 但味精湯囉. 當然, 亦有叫包包(唔記得個名堂), 用炸菜肉鬆送, 一般.無叫甜品, 傾好一陣至埋單轉場. 一提係, 呢度服務唔錯, 侍仔都幾醒目, 食完坐咁耐亦無