影片
更多
2019-04-14
83 瀏覽
朋友生日，見哩間零負評，就訂咗間房，低消五千，但餐牌上嘅嘢我地七大一細點叫都唔會夠，所以同餐廳訂多咗其他嘢。人均為666的晚餐，這麼差的質素，真係失望到貼地。餐廳响大坑仲有兩間店，tipsy 同mustard ，又係無負評，真係唔知點解了。未齊人，本身想叫佢上個蜆食住等，但員工就話整個蕃薯條食住先，我話我訂嗰時無包，員工話佢搞，但最後都收咗我錢。不過蕃薯條配sour cream 係可以嘅。生蠔細細，普通。帶子配蟹肉菠菜芝士汁，食唔到蟹肉，菠菜汁同帶子又唔係好夾，同埋過咸。帶子就煎得還可以，有少少彈牙嗰隻，無乜鮮甜味。哩個蜆好食，大粒，粒粒脹卜卜又多汁鮮甜，得幾粒有少少腥。個蒜香白酒汁好味嘅，但真係咸得滯，可能湯汁小又多海水。哩個龍蝦開始出事，無諗過佢碎咗個龍蝦肉，用味道食落似芝士忌廉味嘅汁，配洋蔥同蘑菇煮完再放反落去。汁嘅味道普通，而龍蝦嘅鮮味都被蓋過了。仲有薦底嘅薯蓉竟然係凍嘅，員工嘅回覆係話只係攞嚟薦底的。真係好好奇，佢哋認為食客唔會食？咁不如上枱時提提會好點，話只係裝飾用唔食得。好普通嘅白汁菇菌溫泉蛋意粉，意粉又煮得太熟，食唔到黑松露味，汁太多。哩個加超多海膽嘅意大利飯真係出哂事
人均為666的晚餐，這麼差的質素，真係失望到貼地。餐廳响大坑仲有兩間店，tipsy 同mustard ，又係無負評，真係唔知點解了。
未齊人，本身想叫佢上個蜆食住等，但員工就話整個蕃薯條食住先，我話我訂嗰時無包，員工話佢搞，但最後都收咗我錢。
不過蕃薯條配sour cream 係可以嘅。
生蠔細細，普通。
帶子配蟹肉菠菜芝士汁，食唔到蟹肉，菠菜汁同帶子又唔係好夾，同埋過咸。帶子就煎得還可以，有少少彈牙嗰隻，無乜鮮甜味。
哩個蜆好食，大粒，粒粒脹卜卜又多汁鮮甜，得幾粒有少少腥。個蒜香白酒汁好味嘅，但真係咸得滯，可能湯汁小又多海水。
哩個龍蝦開始出事，無諗過佢碎咗個龍蝦肉，用味道食落似芝士忌廉味嘅汁，配洋蔥同蘑菇煮完再放反落去。汁嘅味道普通，而龍蝦嘅鮮味都被蓋過了。
仲有薦底嘅薯蓉竟然係凍嘅，員工嘅回覆係話只係攞嚟薦底的。真係好好奇，佢哋認為食客唔會食？咁不如上枱時提提會好點，話只係裝飾用唔食得。
好普通嘅白汁菇菌溫泉蛋意粉，意粉又煮得太熟，食唔到黑松露味，汁太多。
哩個加超多海膽嘅意大利飯真係出哂事，我的朋友都係咁鬧。海膽首先唔靚，完全無甜味，只有甘味。啲飯太爛，個汁唔知點解有酸臭味。
員工試過後話無問題係咁嘅味，仲攞咗個未煮嘅海膽醬比我地試，個醬無酸臭味，不過醬入面嘅海膽味都好差。咁唔知係啲飯定芝士臭啦⋯⋯
員工都肯幫我地退，仲請枝紅酒。
西班牙燒雞，個醃料幾好幾惹味，不過就唔入味。雞都嫩滑，不過好似有啲未熟。
羊架同牛柳，朋友話牛柳無味。羊架無羊味，肉質唔知比咩醃過，好怪。
另外訂的和牛，朋友先話好食少少。
張貼
