築地GINDACO (裝修中)

平日食開旺角個間既多，今次食呢間有燒魚就試下啦…叫左個吉士魚同大tuna mayo丸子餐，因為係8號去食會比雙倍印花就特登買多d，點知比錢時個姐姐仔佢只係比一個印我（因為25蚊一個印，我買50幾蚊佢應該比兩個，加上係8號雙倍就係四個印花）跟住我咪好好聲氣問佢囉…另一個姐姐仔竟然鬧返我轉頭結果佢只係比左兩個印我。綠茶走冰照比半杯冰不特止，個tunamayo就比一pat仔我，可能佢覺得我煩所以玩野…同佢講放多些少佢就話「係咁小架啦」平日食開都無咁小野…我當佢新人唔識野就走啦，問佢要返條魚佢就黑面咁比左我，算。返到去個朋友一咬，係紅豆黎既就去問個兩位小姐可唔可以換返做吉士比我朋友，拎條魚比我個位小姐竟然係度懶整魚個個男仔比錯左我不過我都費事同佢癲，換左就走，費事睇佢黑面。