砂煲 (已結業)

深秋之後，日日打邊爐，食開傳統邊爐諗住試下日本火鍋啦…結果都幾後悔。有一個雙撲手身型既我，去到就諗住試下佢地所謂出名既雙撲手鍋。$380蚊其實都叫貴，竟然夠膽死唔包湯底，咁搶錢老實好反感，你一係明碼實價$420包湯，一係唔好收。佢一問我order咩湯底我面即刻黑左…好啦，個盤野到左我個面重黑…一盤都係菜，得個小小的海鮮及一碟仔肉…其餘都係菜。喂大佬我又唔係牛，你比咁多菜我把鬼咩。我同我朋友都係雙撲手，佢比個碟肉我地一分鐘唔洗掃晒…五分鐘後我地開始食菜…雙撲手鍋喎…雙撲手減肥鍋就真。結果我同個friend食完都重好肚餓，走左去大家樂打邊爐。p.s. 佢地d肉十分名不付實，咩日本牛，黑皮豬，一般過一般，可以不試。