13
6
0
等級4
2010-12-16 3 瀏覽
是日係辛勞既一天,朝早見完唔知有幾大粒既大粒野,下午一個人運送六枝酒上上落落,之後放低又再好自願咁做苦力做左一陣,夜晚當然要慰勞自己食返餐好啦,係西環諗下有咩好食,就決定同朋友仔黎左呢度食野啦。六點幾黎到只有一檯外國客人,大大細細有小朋友係度拆禮物好開心,而我地兩個人就選擇左坐角落既二人檯~ 不過是晚好凍呀,呢間餐廳幾近海所以都FEEL到D風,好彩我揀最入面既檯姐。服務好好,又有禮貌又會解釋好多野俾我地知,又同我地傾下計咁,其實呢度既氣氛都唔錯,就算坐高櫈兩個人黎食飯都幾開心喎~前菜叫左法式焗田螺,另外仲附有幾塊細細脆口既法包,呢碟野擺係我前面香到不得了~ 田螺肉軟身唔韌,食落好重白酒味所以會食到DD辣既感覺,但真係好鬼香白酒同蒜呀~ 姐姐教我地將d法包點個d田螺汁食,麵包脆口又索哂D汁,好正~ 我同朋友眨眼已經食哂啦。Pizza要左mini size,可以自選兩款口味,我同朋友一人揀一款就要左蕃茄芝士(Margarita)同埋火腿蘑菇芝士(Regina),mini size對兩個人黎講真係啱啱好~ 其實兩隻都好食,但我同朋友喜歡既各自都唔一樣~ 我就鍾意Margarita多d,因為蕃
更多
15 瀏覽
0 讚好
0 留言


i love escargots***
7 瀏覽
0 讚好
0 留言


紅酒燴牛肉螺絲粉.. 不過有時牛肉有d韌
16 瀏覽
0 讚好
0 留言


Mini-pizza 好味
14 瀏覽
0 讚好
0 留言

是日係辛勞既一天,朝早見完唔知有幾大粒既大粒野,下午一個人運送六枝酒上上落落,之後放低又再好自願咁做苦力做左一陣,夜晚當然要慰勞自己食返餐好啦,係西環諗下有咩好食,就決定同朋友仔黎左呢度食野啦。

六點幾黎到只有一檯外國客人,大大細細有小朋友係度拆禮物好開心,而我地兩個人就選擇左坐角落既二人檯~ 不過是晚好凍呀,呢間餐廳幾近海所以都FEEL到D風,好彩我揀最入面既檯姐。服務好好,又有禮貌又會解釋好多野俾我地知,又同我地傾下計咁,其實呢度既氣氛都唔錯,就算坐高櫈兩個人黎食飯都幾開心喎~

前菜叫左法式焗田螺,另外仲附有幾塊細細脆口既法包,呢碟野擺係我前面香到不得了~ 田螺肉軟身唔韌,食落好重白酒味所以會食到DD辣既感覺,但真係好鬼香白酒同蒜呀~ 姐姐教我地將d法包點個d田螺汁食,麵包脆口又索哂D汁,好正~ 我同朋友眨眼已經食哂啦。

Pizza要左mini size,可以自選兩款口味,我同朋友一人揀一款就要左蕃茄芝士(Margarita)同埋火腿蘑菇芝士(Regina),mini size對兩個人黎講真係啱啱好~ 其實兩隻都好食,但我同朋友喜歡既各自都唔一樣~ 我就鍾意Margarita多d,因為蕃茄醬既味道有少少酸,開胃得黎又唔會太過份,而且仲令到芝士既味道更香更突出~ 朋友就喜歡Regina多d,我覺得都好食,不過我覺得d火腿無咩味,而且對比起呢隻芝士味淡D,所以喜歡前者多D~ 整體Pizza夠薄又脆又乾身,一D都唔油膩,而且鍾意佢mini size既份量,食完仲可以食其他野。

最後就係紅酒燴牛肉螺絲粉,仲附有一樽幾滿既Parmesan cheese,可以撈埋同螺絲粉一齊食。我地都唔敢落太多芝士,不過食落真係惹味d,d芝士幾香下。螺絲粉咬落口感偏硬,牛肉切成粒狀,有D煮得幾腍,但有D就韌左少少~ 我最鍾意食佢d甘荀粒,因為煮到好腍又係索左D汁所以好好味。

我地總共叫左以上既食物再加兩杯飲品,係度都坐左個幾兩個鐘,後期走哂無咩人得返我地兩個坐得好舒服~ 是晚朋友請客話慰勞我喎,嘻嘻~
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
推介美食
i love escargots***
Mini-pizza 好味