陶源酒家 (已結業)

約了幾個朋友一聚，有個朋友推介呢度，所以成班傻佬拖男帶女的專誠搭車來幫襯。假期第二日，人客不算多，我們一行十人訂了十二點，十一點九來到有好多位，食到一點都未滿座，我估平時週末放假唔會咁少人的。總括來說點心賣相好精緻，味道雖不似外表咁正，但都不差。都吃了十多個點心，一般的點心如蝦春卷、叉燒包及煎腸粉都唔錯。幾個「廚師長推介」有好有唔好，錦鹵雲吞的汁好酸，炸雲吞中間有蝦粒，幾好，18蚊食得過；冰燒脆腩仔是五花腩走油再用燒，並非如一般燒肉的成隻豬燒，肉質肥廋相間，味道不錯，但48蚊有點貴；鮑汁花生炆鳳爪，花生同鳳爪都炆得唔夠腍，所以亦唔係好入味，38蚊唔係好抵；銀蘿金錢肚即蘿蔔牛肚，普通貨色，38蚊，可以食其他點心。茶是不錯，比一般酒樓好；招呼亦週到，食到一半會幫人客換碟。埋單八百幾，唔算好貴。