影片
更多
2009-05-05
64 瀏覽
之前食過晚飯，雖然貴，但走高檔路線，啲食物水準都唔錯，所以嚟試吓佢啲點心，未食前都好有期望。我哋係十一點半入場既，當時只有幾枱客，但知客姐姐話要我哋十二點九交枱，不過都主動俾張靠窗枱我哋，都ＯＫ啦，但心諗有冇咁多人呀？望吓張點心紙同價錢，出乎意料既合理（因為諗住佢哋走高檔路線應該會貴好多）。因為只有兩個人，所以只係叫咗幾碟嘢，評語如下：生竹牛肉球（好一般：唔夠鬆，無肉味）蝦餃（還可以，但唔係好出色嗰種同埋都幾細粒吓）鯪魚球（同牛肉球個評語一樣）蘿蔔絲酥餅（比較有水準既一樣點心）紅油抄手（味淡，完全無辣味，都算唔好食）腸粉（算可以，都ＯＫ滑）杏仁茶（好唔錯，幾香同稠，都幾有水準）西米布甸（唔太甜，都可以）服務都可以，但啲伙計好似未＂訓＂醒咁，好似遊魂同行路好慢似夢遊。臨走時已經差唔多坐滿晒，都幾意外多人，可能佢哋係主攻商務客啦。仲有我諗佢哋人手唔夠。埋單二百蚊鬆啲，算係最驚喜既一部份，但講真以佢哋既市場定位（走高檔路線），佢哋啲點心水準算係唔合格喇，都幾失望，無下次。
我哋係十一點半入場既，當時只有幾枱客，但知客姐姐話要我哋十二點九交枱，不過都主動俾張靠窗枱我哋，都ＯＫ啦，但心諗有冇咁多人呀？
望吓張點心紙同價錢，出乎意料既合理（因為諗住佢哋走高檔路線應該會貴好多）。因為只有兩個人，所以只係叫咗幾碟嘢，評語如下：
生竹牛肉球（好一般：唔夠鬆，無肉味）
蝦餃（還可以，但唔係好出色嗰種同埋都幾細粒吓）
鯪魚球（同牛肉球個評語一樣）
蘿蔔絲酥餅（比較有水準既一樣點心）
紅油抄手（味淡，完全無辣味，都算唔好食）
腸粉（算可以，都ＯＫ滑）
杏仁茶（好唔錯，幾香同稠，都幾有水準）
西米布甸（唔太甜，都可以）
服務都可以，但啲伙計好似未＂訓＂醒咁，好似遊魂同行路好慢似夢遊。臨走時已經差唔多坐滿晒，都幾意外多人，可能佢哋係主攻商務客啦。仲有我諗佢哋人手唔夠。
埋單二百蚊鬆啲，算係最驚喜既一部份，但講真以佢哋既市場定位（走高檔路線），佢哋啲點心水準算係唔合格喇，都幾失望，無下次。
張貼