新光宴會廳 (已結業)

五月廿七日，大概十一點，黎到黃大仙新光同老人家飲茶。馬拉糕依舊係我必嗌既點心，依家仲有得食古法馬拉糕既地方比較少，講真份量就真係愈來愈小，依家食親既普通size 係以前細個食既一半咁。不過呢間都好食架，糕夠鬆軟，甜度剛好。鳳爪同牛肚都勁惹味，我覺得呢兩樣係夠濃味先好食。牛肚有陣黑椒味，而且好入味，底下仲有芋頭，索曬啲汁，正！不過老人家無乜牙力就咬唔到牛肚啦。只可以食到鳳爪。如果個牛肚細件啲就更好。