吉吉點 (已結業)

悠閒SUNDAY, 訓到自然醒去飲個茶食個包! 平時成日經過呢間吉吉點，心郁郁想試好耐啦, 今日終於有機會喇! 換件衫就落去嘆茶lu~呢度有特色新派點心做招牌，我當然叫番幾款試啦!蜜瓜脆脆卷 - 炸得好鬆脆! 夾埋軟心蜜瓜蓉，一絕!必試!西班牙黑毛豬腐皮卷 - 呢個味道好重，加上餡料豐富沙律醬又多，唔太食得出肉味~但幾新穎! 都值得試!燒汁煙鴨胸腸粉 - 手工拉腸粉，又真係整得又薄又滑!抵讚!配燒汁煙鴨胸出奇地夾!Q版炸雲吞 - 終於唔會食到周圍係碎! 一啖食到餡! good!!另外有點到其他傳統點心: 牛肉球、蘿蔔糕、鳳爪... 都係好味,有水準, 絕對唔hea! 最驚喜係估唔到係點心店都會有即磨咖啡同花茶飲!! 我同老公分別叫左仙履奇緣(鐵觀音咖啡)&甜蜜回憶(足料花茶)，味道相當唔錯！好有特色！下次會再來～值得再一試, 希望之後會有更多新點心可以試啦！