聚點坊點心專門店 (已搬遷) 新店位置

在中上環如果想食平平哋又不太差的點心，除了蓮香居，萬花紅等，呢間係我不二之選，而且佢的時間比較適合我呢啲時間完全顛倒的人，幾時都食得。今天吃了：香茜牛肉腸和黃沙豬潤腸我係腸粉狂熱分子，每次都要叫兩碟，朋友愛牛肉，我鐘意食豬潤，豬潤夠嫩不硬，粉皮滑度尚可的。平時都鐘意吃春風得意腸，是腸粉包住春卷，但今天不想吃太熱氣所以無叫。蠔皇义燒包也是因為對上的原因，沒有叫平時叫開的雪山义燒包，坦白說我不是义燒包的愛好者，係雞包的支持者，所以這個我不比意見了。　素翅鳳眼餃裹面有齊平時吃燒賣的粉再外加幾條硬硬的扮翅的粉絲，我覺得麻麻哋。招牌燒賣皇看圖也見到是蒸到熱辣辣上枱的，料是正常的蝦和豬肉。加咗少少蝦子做裝飾，OK!香煎南瓜粿　這個是新點心，也是甜品，味道極似奶黃包，好少南瓜味，但也是好味的。其實佢星期日比較少人，想食的朋友最好揀呢日，咁就唔駛等位了。