影片
更多
2009-05-28
6 瀏覽
回港第三天，到左依排風頭好勁的添好運去拜訪。識好多人去過都係話冇講到咁好，都唔親身試過又唔甘心。星期二兩點幾，門口仲係排長龍，想像唔到假日會點（食完後的結論︰如果要排隊都都應該唔會再來）。等左大概廿幾分鐘，三個人終於有位。雖然好多人出面等緊，又有好多人催單等等，環境又擠迫，店員們既態度都非常好，有求必應。食物係即叫即蒸，所以等緊既時候已經掦好張點心紙，廢事要等咁耐。蘿蔔糕︰一上枱已經有少少失望，因為煎得唔夠脆（不過係一批批，隔離枱個批係夠燶的）。個蘿蔔糕本身亦都麻麻地，冇咩料所以唔夠香，蘿蔔味亦唔多夠。糯米雞︰好大好大...糯米煙煙韌韌又香，做得幾好。可惜入面只係得牛肉同少少雞肉，冇冬菇同蛋黃香味當然爭咁大一截。如果係成本問題，其實可以整細D個size跟住加返多D唔同料，因為食完個糯米雞真係滯到唔駛食其他野。叉燒腸粉︰腸粉好滑好薄好食。叉燒唔係特別好不過都過得去，可能蝦腸會更好食。燒賣︰非常差。有兩舊D豬肉係直情咬唔開，唔香而且口感差! 山葵咸水角︰幾有創意既作品，因為山葵其實同D料既味道幾夾，幾好食! 不過個皮就一D都唔鬆脆，好痴牙....叉燒包︰同個腸粉一樣，叉燒本身唔係特別靚，不
星期二兩點幾，門口仲係排長龍，想像唔到假日會點（食完後的結論︰如果要排隊都都應該唔會再來）。等左大概廿幾分鐘，三個人終於有位。雖然好多人出面等緊，又有好多人催單等等，環境又擠迫，店員們既態度都非常好，有求必應。食物係即叫即蒸，所以等緊既時候已經掦好張點心紙，廢事要等咁耐。
蘿蔔糕︰一上枱已經有少少失望，因為煎得唔夠脆（不過係一批批，隔離枱個批係夠燶的）。個蘿蔔糕本身亦都麻麻地，冇咩料所以唔夠香，蘿蔔味亦唔多夠。
糯米雞︰好大好大...糯米煙煙韌韌又香，做得幾好。可惜入面只係得牛肉同少少雞肉，冇冬菇同蛋黃香味當然爭咁大一截。如果係成本問題，其實可以整細D個size跟住加返多D唔同料，因為食完個糯米雞真係滯到唔駛食其他野。
叉燒腸粉︰腸粉好滑好薄好食。叉燒唔係特別好不過都過得去，可能蝦腸會更好食。
燒賣︰非常差。有兩舊D豬肉係直情咬唔開，唔香而且口感差!
山葵咸水角︰幾有創意既作品，因為山葵其實同D料既味道幾夾，幾好食! 不過個皮就一D都唔鬆脆，好痴牙....
叉燒包︰同個腸粉一樣，叉燒本身唔係特別靚，不過個包做得好好，好鬆好味!
楊枝金露︰$16勁細碗...而且唔係特別好。
論食物，咁既價錢咁既質素，其實的確比好多酒樓好，應該有個笑臉。但係講埋環境，又逼又唔坐得耐，我諗我會寧願好好係油樓嘆嘆茶...所以都係OK啦。
張貼
