譽廚正宗粤菜 (已結業)

訓醒已經十一點，已經無早茶同早餐食，最後同阿媽近近地去左北角譽廚飲茶。去到唔駛等位，自己搵位，仲咁岩有卡位坐添。啲待應都好好禮貌同招呼，好快手就執好枱面同杯碟。我地叫左蟹籽燒賣，山竹牛肉同蟲草花綿花雞。等左唔係好耐，啲點心就到齊晒，仲好熱辣辣添。蟹籽燒賣水準唔錯，無乜肥豬肉，又有冬菇香。👍🏻👍🏻山竹牛肉都好味，蒸出黎啡色，証明唔係雪肉，軟硬適中，又夠牛味，唔錯。最後係綿花雞，都算多雞肉，仲要用魚肚做綿花👍🏻，唔會好油，加埋啲蟲草花好似賣相又靚啲食得又健康啲。