32
4
1
等級4
234
4
2021-03-20 564 瀏覽
中午想飲茶,荃灣酒樓已經飲到厭,試下南豐紗廠。响佢門口停留左一陣,先有人走出來招呼。中午冇乜人,但係佢安排嘅座位,全部都迫埋係同一邊嘅卡位,明明大把吉位,非要貼到咁實。疫情之下有啲危險。首先講下唔好嘅地方啦。佢嘅茶水係12蚊一位,每個人都可以嗌唔同款,但係茶壺堆到一檯都係。嗌左個【清香烏龍】茶,不是清香,而係非常之淡而無味(見圖)。揭開茶壺一睇,其實係用茶包。以茶樓黎講,佢啲茶其實唔合格。另外嗌既【紅棗紅袍】,紅棗同紅袍味本身都唔係咁夾,怪怪地。仲有一點唔貼心嘅係,我地嗌左燒乳鴿,但係佢居然唔比手套,亦都冇濕紙巾,非常之唔貼心。燒乳鴿嘅質素亦同出面冇得比,皮唔脆肉唔嫩,乾!不推介!【炸BB鴿】$48 不推介講好處啦,點心款式多,而且好多出邊係冇ge。無論係影相打卡,或者嘗新,都係唔錯嘅選擇。【飛機流心包】$34飛行棋樣嘅流心奶黃包,撕開的確會流心,奶黃餡算係幾香,亦冇其他食評講嘅“唔夠熱”嘅問題。呢度既腸粉都幾值得推介,好似畫面哩個【蝦兵蟹將】$40,入面有一層油炸鬼,再包住蝦肉,口感又滑又趣又彈牙,相當好食!另一樣覺得值得推介嘅係哩個【紅菜素餃】$32,入邊有紅菜頭、粟米,同埋一啲
更多
中午想飲茶,
荃灣酒樓已經飲到厭,試下南豐紗廠。
响佢門口停留左一陣,先有人走出來招呼。
中午冇乜人,但係佢安排嘅座位,全部都迫埋係同一邊嘅卡位,明明大把吉位,非要貼到咁實。疫情之下有啲危險。

11 瀏覽
1 讚好
0 留言


首先講下唔好嘅地方啦。
佢嘅茶水係12蚊一位,每個人都可以嗌唔同款,但係茶壺堆到一檯都係。
嗌左個【清香烏龍】茶,不是清香,而係非常之淡而無味(見圖)。揭開茶壺一睇,其實係用茶包。以茶樓黎講,佢啲茶其實唔合格。另外嗌既【紅棗紅袍】,紅棗同紅袍味本身都唔係咁夾,怪怪地。

6 瀏覽
0 讚好
0 留言


仲有一點唔貼心嘅係,我地嗌左燒乳鴿,但係佢居然唔比手套,亦都冇濕紙巾,非常之唔貼心。燒乳鴿嘅質素亦同出面冇得比,皮唔脆肉唔嫩,乾!不推介!

1 瀏覽
0 讚好
0 留言

【炸BB鴿】$48 不推介

講好處啦,點心款式多,而且好多出邊係冇ge。無論係影相打卡,或者嘗新,都係唔錯嘅選擇。

0 瀏覽
1 讚好
0 留言

【飛機流心包】$34
飛行棋樣嘅流心奶黃包,撕開的確會流心,奶黃餡算係幾香,亦冇其他食評講嘅“唔夠熱”嘅問題。


蝦兵蟹將腸
0 瀏覽
0 讚好
0 留言

呢度既腸粉都幾值得推介,好似畫面哩個【蝦兵蟹將】$40,入面有一層油炸鬼,再包住蝦肉,口感又滑又趣又彈牙,相當好食!


3 瀏覽
0 讚好
0 留言

另一樣覺得值得推介嘅係哩個【紅菜素餃】$32,入邊有紅菜頭、粟米,同埋一啲類似翠玉瓜嘅嘢,口感好似粉果,但係幾清爽,而且感覺健康,喺好味嘅!


0 瀏覽
0 讚好
0 留言

哩個就好多人推介啦,【話梅脆淮山】$38,酸爽開胃,都幾特別,出邊唔係咁多地方有得食。咬落非常爽口。

0 瀏覽
0 讚好
0 留言

【千頁皮蛋豆腐】$46
影得好大盤,其實好細,份量唔多,皮蛋好少,豆腐厚薄一致,適合老人家食。味道正常。

0 瀏覽
0 讚好
0 留言

另外買左個俗稱【菲林芝麻卷】$24,啲傳統懷舊香港小食佢就做得麻麻地啦,冇乜芝麻味。而且作為甜品,佢居然係當日第一味上台嘅餸,其他點心都未到,甜品上先,又係唔貼心之舉。
1 瀏覽
0 讚好
0 留言

【芝士蝦球王伊麵】$118
同平時酒樓食到嘅龍蝦伊面幾乎一樣味,只係將龍蝦變成左蝦球。芝士味濃,都係幾好味嘅菜式,而且份量都算多。

26 瀏覽
0 讚好
0 留言


39 瀏覽
0 讚好
0 留言


總評
點茶公館俾我嘅印象,唔喺傳統嘅茶樓,算係新派點心。點心係幾特別幾好食,但係服務唔夠貼心,茶水唔掂。作為飲茶嘅地方,茶水唔掂係非常之扣分。

而且收費算係中上價位,當日人均食左150蚊以上,裝修冇乜格調,考慮埋哩度係荃灣的話,顯得有啲唔太值。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-03-15
用餐途徑
堂食
人均消費
$155 (午餐)
推介美食
蝦兵蟹將腸