蓬萊法國餐廳 (已結業)

呢度0既法國菜真係好好食,由頭盤麵包到最後0既甜品咖啡都咁好.頭盤方面,煎鵝肝好有水準,試過個做法係配南瓜0既,清清甜甜幾特別;仲有好地道0既醃沙甸,鹹鹹酸酸,好開胃;蝸牛亦好正,特別鮮香有口感.湯永遠都係熱辣辣咁上檯,記憶中最好飲係其中一次promotion 0既香草忌廉栗子雞湯,又香又鮮又滑,好細緻.而平時有個菜湯,松菌龍蝦仔湯同牛尾清湯都十分唔錯.主菜有好多都好正,個人勁鍾意呢度整0既野鴨,無論配橙汁定無花果汁都一樣掂,0個仲清香惹味真係無與倫比.另外Rossini 牛扒(即鵝肝牛扒)呢樣傳統菜食亦有水準,牛扒生熟適中軟腍冇渣,配半溶不溶甘香鵝肝一絕.試過煎牛仔扒伴牛核鴨肝,香煎鱸魚同白菜包芝士會豬蹄等等菜式,全部都水準一流.甜品方面,梳乎里,橙酒班戟同法式忌廉燉蛋都係普通得來唔錯0既選擇(尢其係橙酒班戟,真係做得好正!).而呢度成日會有D 特別口味0既甜品,亦都好值得試.好似最近試過白咖啡凍梳乎里,好幼滑之餘,仲有一陣陣咖啡香同梨酒香慢慢咁0係口入面散發,0個種甜香食完好耐都唔散.紅酒雜苺凍伴開心果糖餅又靚又好清新,好0岩夏天食.雪葩伴草苺雪山又好多種唔同味0既雪葩,酸酸甜甜又