影片
更多
2011-10-15
151 瀏覽
經不同報紙、雜誌所推介，加上別緻嘅裝修，點一龍已經成為城中熱話。今日比較清閒，所以專程與兩位靚秘書走一趟。以點心店來說，點一龍嘅地方確實唔細，樓底亦非常高，加上清雅嘅裝修，感覺舒服，一幅落地大玻璃，掛著幾個紅色大燈籠，觸目之餘，又不落俗套。由大集團經營，裝修、擺設當然揼本，全部餐具都係白色，印上點一龍嘅logo，筷子則是黑色，黑白分明；辣椒醬、豉油、胡椒粉，連同牙籤座，都精緻地擺放係一個黑色嘅木架上，非常整齊，並清楚地印上各種醬料名稱，中英對照，遊客都唔會攪錯。原來星期一至五嘅午飯時間 (11:00-15:00)，有二人套餐$138，有四款點心、一款粥飯及兩份甜品，其實點心加粥飯價錢，同散叫差不多，賺咗嘅係兩份甜品。蜜汁义燒腸及香茜牛肉腸，皮簿餡靚，絕對係佳品，腸粉嘅皮夠簿，亦夠滑，义燒剁得夠碎，亦惹味，牛肉內更加有芫茜，令味道更香，雖然不及堂記，但亦有八成水準，惟豉油方面，味道有點兒過甜，應該可以調教一吓。花雕棉花雞，魚肚墊底，方便吸收所有精華，係聰明嘅做法，雞件就放係魚肚上面，中間放咗粒切開咗嘅紅棗，使紅棗味更容易揮發出來，再加上幾粒杞子，食入口，完全感受到紅棗同杞子嘅味道，但花雕
今日比較清閒，所以專程與兩位靚秘書走一趟。
以點心店來說，點一龍嘅地方確實唔細，樓底亦非常高，加上清雅嘅裝修，感覺舒服，一幅落地大玻璃，掛著幾個紅色大燈籠，觸目之餘，又不落俗套。
由大集團經營，裝修、擺設當然揼本，全部餐具都係白色，印上點一龍嘅logo，筷子則是黑色，黑白分明；辣椒醬、豉油、胡椒粉，連同牙籤座，都精緻地擺放係一個黑色嘅木架上，非常整齊，並清楚地印上各種醬料名稱，中英對照，遊客都唔會攪錯。
原來星期一至五嘅午飯時間 (11:00-15:00)，有二人套餐$138，有四款點心、一款粥飯及兩份甜品，其實點心加粥飯價錢，同散叫差不多，賺咗嘅係兩份甜品。蜜汁义燒腸及香茜牛肉腸，皮簿餡靚，絕對係佳品，腸粉嘅皮夠簿，亦夠滑，义燒剁得夠碎，亦惹味，牛肉內更加有芫茜，令味道更香，雖然不及堂記，但亦有八成水準，惟豉油方面，味道有點兒過甜，應該可以調教一吓。
花雕棉花雞，魚肚墊底，方便吸收所有精華，係聰明嘅做法，雞件就放係魚肚上面，中間放咗粒切開咗嘅紅棗，使紅棗味更容易揮發出來，再加上幾粒杞子，食入口，完全感受到紅棗同杞子嘅味道，但花雕味就真係聞唔到；至於雞件，唔夠滑，而且冇雞味，原因有二，第一，可能係雪藏雞件，第二，紅棗同杞子嘅味道已經蓋過雞嘅鮮味；至於魚肚，的確係精華所在，盡吸各樣食材嘅味道，只可惜冇咩肉味，應該都是雞件嘅問題。
鮑魚雞粒酥，$38一隻，酥皮係牛油焗，好香嘅牛油味，好似曲奇餅咁香，但略為偏硬，唔夠鬆化，鮑魚係原隻鮑魚仔，報章話用南非十八頭罐頭鮑，有嚼頭，唔韌，但個人對此點心，始終提不起大興趣，總覺得鮑魚與酥皮始終都好似格格不入，$38一隻，絕不唔平，抵食與否，則見仁見智。
燒賣，有兩款，一款係普通嘅鮮蝦燒賣，$18兩件，另一款係黑松露鮮蝦燒賣，$22一件，既然一場來到，我哋當然食豪d，叫咗黑松露鮮蝦燒賣，一籠一粒，都頗大粒，賣相討好，有一撮黑松露係頂，下面有一隻蝦，蝦下面就係粒燒賣，黑松露嘅味道頗香，與蝦嘅味道相襯，蝦肉亦算爽口，燒賣內嘅豬肉份量比蝦多，亦有肉汁，咬感唔錯，但同行秘書則嫌肉嘅份量過多，希望可以多蝦少肉，哈哈。
蝦餃先嚐普通嘅蝦餃皇，size唔算大，皮尚算簿，蝦肉亦爽口，唔錯；接著，就係點一龍嘅招牌點心之一，龍蝦湯三皇餃，$58兩件，唔平，但具創意，有噱頭，係一個迷你焗盅內，盛著半滿嘅橙紅色龍蝦湯，有兩粒頗大隻嘅三皇餃放係入面，露出三分一於湯面，再係上面灑d碎香草，上枱時，打開盅蓋，先有一陣熱氣散出，再聞到龍蝦湯嘅味道，係色、香兩方面，都攞到唔少分數；至於味方面，先嚐一口龍蝦湯，味的確濃，但唔夠鮮，恕我直言，我覺得唔似新鮮熬製；至於隻三皇餃，報章上報導，係用上波士頓龍蝦，本地花蟹及越南大白蝦嘅肉來做，所以叫做三皇餃，食入口，龍蝦肉與蝦肉都爽口，但講真，唔知係龍蝦肉偏少，還是我嘅味覺有問題，食入口，其實都好難分龍蝦肉，還是蝦肉；但比較有驚喜嘅，反而係蟹肉，唔敢肯定是否新鮮生拆蟹肉，但的確有一陣頗濃郁嘅蟹肉味，頗特出，幾吸引；但皮比普通嘅蝦餃皇厚，略為失色，再者，唔知係我哋技術差，還是其他原因，我哋三個人，四隻餃，全部夾上來時，嗰底都爛咗，相信作者嘅原意，都唔想d食客好似食灌湯餃咁樣，整爛來食，係呢方面相信要下點功夫；另外，靚靚秘書又有個提意，既然嗰中式餃皮咁易爛，點解唔嘗試用意大利雲吞嘅皮來包呢隻三皇餃呢？我諗一試亦無妨，哈哈。
生炆花生豬手，一嚐鹵水汁，已經可以斷言係失敗之作，鹵水汁唔夠陳年，完全散發唔到鹵水汁應有嘅香味，好似鎖著係入面咁，只得一個鹹字；花生亦唔夠腍，惟豬手則炆得唔錯，夠腍。
芝士白汁蝦春卷，外表與一般春卷沒有兩樣，入面當然有蝦、芝士和白汁，春卷皮夠簿且脆，唔油膩，幾好；芝士味亦夠香，但份量唔多，對於我這種芝士迷，略有所失，蝦嘅份量都唔多，簡單講，唔夠餡料。
馬拉糕，造形討好，深啡色，夠傳統，吃了一口，覺得甜度不足，味道偏淡，而且糕身鬆而不軟，有待改良。雪影包系列，我哋選擇咗雪影义燒飽，飽皮好似墨西哥飽，唔係好甜，都夠鬆軟，不過比較簿身，我覺得厚身少少，會比較有咬口，更具彈性；至於义燒餡料，夠味，但好似唔多夠料，一口咬落去，成個飽扁哂。
鮑魚片雞球飯，原個砂鍋上，唔係好大鍋，餸嘅份量唔少，鋪滿整個鍋面，豉油則用枱面嘅豉油，服務員話枱面嘅豉油，係每日新鮮煮，唔係普通豉油；飯粒，粒粒鮮明，唔會太多水，亦有飯香，唔錯；雞件亦夠嫩滑，比棉花雞嘅雞件好食；至於鮑魚當然係素鮑片，$48一鍋飯，又豈會有鮮鮑片呢。
最後，仲有蛋煎糯米雞，煎得金黃色，唔會太焦，幾吸引，食入口，好香濃嘅蛋黃香味，唔單來自外面嗰層蛋黃，裡面仲有d蛋黃，非常香，難得，但糯米唔夠黏，夾起有d散，而且除咗蛋黃外，其他餡料係嚴重缺乏，只得非常零碎嘅肉碎，又冇味，又冇咬感，完全冇糯米雞嘅神髓。
綠豆沙，係跟餐送嘅，但係都頗足料，有海帶，很沙，唔會水汪汪，甜度適中，望一望餐單，散叫都要$20一客。埋單$727，每人$242，嘩，三個人飲茶食晏都要七佰幾，真係唔平，以咁嘅價錢，可以食得更好。
張貼
