鳳鳴居

香港樓面黑面對客已經係常態，本來唔值得特別表揚佢哋。

但呢間舖居然可以請到全部5~6 個同樣黑面，同樣冇表情的員工，我真係覺得要頒個獎俾佢。

而且黑面員工效率極高，客人放低筷子5分鐘已經有人執枱，無論你隻碗仲有冇食物，都會極速收走。
執完張枱之後2分鐘就會有人趕你哋走，效率之高，我相信係香港頭十名。

我相信有好多餐廳老闆會想知呢班員工究竟係點樣訓練嘅，可以考慮吓開班賺錢。

最後提提大家呢間舖頭只收現金，OpenRice寫話收
Alipayhk 是錯誤資訊。