盛八日式燒肉放題店 (已結業)

今日farewell 女同事, 一行五人去第一次去呢間盛八食lunch~可能大家都未去過既原故, 所以都燒得好開心同覺得好好味... 大致上同其他網友既意見相若~好可惜, 有個較纖瘦既女supervisor 既服務態度就真係好差, 絕對要投訴一下!先講講其他服務員既態度, 由於我地坐六人卡位之原故, 放晌較入面既碗碟, 或者加茶既時候, 佢地都會好友善地講: "麻煩你地幫手拎D 碗碟過黎丫", 我地當然好樂意地幫忙...之後當我地燒剩兩三件食物既時候, 呢位Supervisor走過黎作出同樣既要求, 由於我地覺得都差唔多食完既關係, 為免我地大家忙於傳遞碗碟, 我地就好友善咁回應: "都唔駛喇... 其實我地都差唔多食完...", 呢位小姐竟然黑面...之後我地想加茶, 佢仲要用D 好寸既語氣講: "唔該拎入面D 杯過黎丫~ 我拎唔到喎!"我地成班人當時既反應係當堂呆左, 大家都晌度討論: "係咪因為係Supervisor, 所以就有權黑面??"原本美好既一餐lunch, 諗住食物環境同服務(除左呢位小姐之外)都好好, 仲有下次既時候, 就係咁樣令呢餐愉快既午餐蒙上污點........