一虎

營業中

休息中

天氣開始凍，係灣仔利東街隔離原來有間拉麵小店，整返晚熱辣辣既真係好正！位置唔多，所以有時候都要排隊喔！見到黑虎超多人點，所以感覺一定要試下咁！另外仲叫左款期間限定的吞拿魚湯拉麵🍜黑虎拉麵（$82）就係黑蒜豚骨湯底，略嫌偏油，而且豚骨味道冇想像中咁濃味。豚肉叉燒就中水準啦，起碼唔會好乾，但不算多油脂，而麵質都算有彈性。而吞拿魚鹽味拉麵（$89），湯底則比較清淡，真係食到吞拿魚既味道，多左一份鮮味，比較少有。另外每次食拉麵都唔少得要點餃子（$42）小食，呢到偏大隻，皮較厚所以唔夠脆。