首爾家韓國料理

營業中

休息中

今日一日成日都下住大雨, 本身想去同女朋友食日本燒肉但周圍都冇位就去左就近既韓燒, 見未食過就試下。一坐低, 職員就即刻比左好多前菜我地, 我地最中意個甜薯仔同埋醃魚仔。仲有, 個爐好迷你呀, 不過FOR我同女友岩岩好啦。叫左女友最愛既醃牛肋骨, 佢地有好幾隻, 我地就點左中等果隻, 仲有點左我好中意既豬皮…一開爐燒佢地就香氣四溢, 可惜要揸車, 冇得飲, 豬皮配燒酒好一流架!牛肋骨都好多汁同嫩口! 估唔到唔洗最貴果隻已經好滿意。同女友見唔係好飽就叫左個炸醬麵, 份量唔大, 但幾好味, 但係有D似7仔既叮叮肉醬意粉既味, 幾搞笑。最後仲點左個炸雞, 我覺得呢個還好, 但我女友幾中意。食完既時侯無啦啦變左黑雨, 如果唔係想再叫多個野食黎食。