下站帖 (已結業)

之前介紹過李圓圓係我心目中黑糖珍珠鮮奶嘅三甲，而下站帖亦都係我嘅三甲名單之一。

呢一間嘅掛杯做得好靚，而且好濃密。
拎上手嘅時候，杯底嘅珍珠都係暖暖地既，飲落去珍珠都有好足夠嘅黑糖味，而且會有少少脆脆嘅焦糖香，可能就係人手炒珍珠嘅威力，就算浸耐左，黑糖味都依然有！口感軟腍腍而又不失彈牙感。

黑糖波霸厚醇奶

平時飲嘅黑糖珍珠鮮奶，鮮奶底通常都大同小異，因為佢哋都係用日本明治牛奶。不過呢一間就唔同啦，好明顯佢有一層好厚嘅奶霜係面，入口嘅感覺好似融化咗嘅棉花糖咁樣，軟綿綿嘅，而且好滑！（如果唔用飲管飲，我相信絕對可以做到兩層白色嘅泡泡喺嘴唇嘅四圍）

重點係，呢一間好需要比大家懲罰㗎！