同男朋友去旺中行街 行到肚餓即刻去搵野食😝 見到依間炸雞排即刻就去左排隊 因為商場空間狹窄 排隊同等野食都好逼 不過好彩係值得嘅🤤🤤🤤
.
我嗌左一份胖果雞排加芝士粉 同一杯黑糖珍珠鮮奶 價錢都算相宜 塊雞排一咬落去外脆內軟 芝士粉都好夠味 入面啲雞肉亦唔會乾 之前都食過佢地嘅台灣大雞排 都一樣咁好食☺️ 不過我個人比較鍾意台灣大雞排 因為外層更加鬆脆可口 初試嘅人可以嗌台灣大雞排黎試 包你次次黎旺中都會想食😍
.
依排好興黑糖珍珠系列 而佢哋都有黑糖珍珠鮮奶賣 而出乎意料地 杯黑糖珍奶真係好好飲!!! 啲珍珠好軟唔會咬到好攰 但係又有嚼勁 不過如果怕甜嘅話最好問下可唔可以少甜先 或者嗌其他飲品 因為我個人好鍾意食甜野 所以正常人可能會覺得杯黑糖珍奶太甜😛
.
我覺得食雞排一定要配野飲 如果唔係會好頸渴 因為雞排通常要重口味先好食😙 配杯黑糖珍珠鮮奶就絕配 等我下次再黎試下其他配搭🤩🤩🤩
