純茶 (已結業)

打完波，去葵廣搵嘢食，見 ＊純茶＊擺左啲鮮搾芒果茶出嚟比人試飲，梗係唔好執輸啦，本身又口渴，飲左2杯，不過每杯先得果1安士，哇哈哈哈！梗係唔夠喉啦，不過的確好好飲，佢哋真係識做生意，拎d出嚟比人試，吸引人嚟買，起碼吸引左我，如果唔係都唔知有呢款嘢飲，我點左杯細嘅，好好飲，茶味香，唔會比芒果味搶晒，茶裏面有芒果蓉嘅，幾真材實料，唔係放果汁果隻，甜度可以淡些仲正，我個人唔係太鍾意太甜，Sales好有禮貌，問咩都無唔耐煩嘅面口出嚟，比粒A**佢哋，建議佢哋出多幾款唔同嘅生果，佢哋淨得芒果，橙同士多啤梨，應該出埋例如芭樂啊，火龍果啊，顏色又靚又好飲，價錢方面23蚊都可以接受。