東海堂 (已結業)

喺淘大行完街行去港鐵站，經過東海堂，見個飲品list幾吸引。雖然心諗面包鋪賣飲品未必好飲，可能咖啡會淡咖啡味或者勁甜，但因為賣相好又唔貴姑且一試。㨂左杯冰黑糖水晶炭燒咖啡，見佢放好多冰以為淡。拎左杯咖啡搭埋港鐵隔左差唔多十五分鐘至飲第一啖。OK喎，咖啡味仍在，唔淡，仲有炭燒味。黑糖水晶唔甜有口感。仲要特價$15，我覺得好飲呀！下次經過有信心再飲！