御品軒 (已結業)

本來已望記呢篇文，但早前在「講飲講食」那邊見大家討論得高興，又補寫回數月前一篇牛百葉食評。說朋友想到御品軒吃硼沙腩，自己其實已半飽，只叫了碟醬汁撈黑百葉。朋友的硼沙腩實情是爽腩，肉連著膠質的位置，試了一小件，肉炆得腍而邊位起膠，不錯，只是失卻脂肪的部份味兒，伴碟的蝦籽唔夠鹹香，撈起腩來味道亦唔夾，唔知用來做乜？麵是撈得濕林林，算吧，說過撈麵此等功夫，要有心亦要有技術才做得好，非後生師傅做得來。黑百葉沒經漂染，花了功夫細切而成，葉連微微肚囊薄肉，吃起帶著「嗦嗦」聲質感，撈起醬油、蔥絲來吃，美味得緊要，這個百葉幾乎每次來都要吃，可昔非時時有貨，要講點運氣。說來說去，百葉料靚的話，拖拖水伴汁吃，是最精彩做法了。其時朋友想叫「五吋菜遠」，聳聳肩說望著周邊那碟菜遠，還要試嗎？老闆確是聰明人，卻非樣樣菜式都可以gimmick作包的。