Cafe Paradise (已結業)

老友說要來這裡附近晚餐，因比較近他的家，既然佢提出就黎呢間餐廳試試。呢間餐廳都係以西式為主，有好多款晚餐選擇，我個人偏好清淡，叫了一份黑松露天使麵。先來份沙律，沙律菜新鮮，配上蕃茄仔，仲有黑醋汁，令整道沙律開胃不少。主菜來了，遠處也可聞到陣黑松露香，原來因為份黑松露放在玫瑰花形狀的煙三文魚上面，顯出廚師的心思。黑松露配三文魚尤其帶出魚的鮮味，更令煙三文魚的煙味蓋過。隨碟仲有鮮蝦同雜菇，蝦肉夠爽，而雜菇煮成既白汁菇味濃，正合我的胃口。至於天使麵吸收左黑松露與雜菇既味道，所以食落好入味又夠滑，好快已經俾我清碟。最後仲有甜品，賣相不錯，廚師更用心地寫上字句。黑朱古力蛋糕夠濃味，喜歡黑朱古力的朋友不可錯過，不會太甜之餘仲有份回甘味。至於檸檬味蛋糕夠的骰，芳香之外帶點酸，為整份晚餐消除飽滿感。