八沢 (已結業)

去到上環有時真係唔知點樣搵啲平價啲嘅嘢食，見到呢間餐廳喺其他地方有分店所以諗住入去試吓佢嘅烏冬同埋小小串燒。我哋叫咗個黑松露忌廉海鮮烏冬，裏面會有扇貝同埋三文魚好重料， 食到海鮮淡淡的鮮味。而且黑松露醬非常之多，令到忌廉同埋黑松露嘅味道好突出。厚切牛舌亦都好大件，屬於厚肉形而且唔銀。佢嘅生蠔燒我好鍾意，燒完都唔乾而且好友肉汁，最重要佢啖啖肉，蠔亦都好大隻，會有小小蠔嘅鮮甜味道。羊架唔會好騷， 但有羊既口感，而且份量都幾多。三文魚腩串，一條咁放落口都幾有特色。都算嫩口，唔會燒得好乾。呢度嘅嘢食同埋裝修風格都幾靚可以過嚟試一試，佢另外果一間都係港島嗰邊，住呢邊嘅人有口福啦