許願樹美食 (已結業)

呢日陪女朋友去深水埗買動漫遊戲野，買完佢又嗌肚餓話想食啲野。我地行下行下過左去對面馬路，見有個呀叔企喺門口叫我地入去試下佢地啲串燒。環境比一般港式串燒店好，但明明餐廳無人，佢都要我地坐近廚房果邊。入去之後，個呀叔同另一個大舊佬態度都變得唔係幾好，黑口黑面，十問九唔應。好似嫌我地問佢可唔可以調位加唔試佢地啲海鮮咁🌚。老實講，食物味道係唔差，但我地都食得好唔開心，間舖又少人，想呻兩句都唔敢出聲。而且食物等待時間超長，見上完茄子同堆串燒之後，雞髀仲未上，但又唔覺眼廚房係咪煮緊，所以先問聲，結果又畀人一句得啦KO。食氣食飽左。