知粥嘗樂 (已結業)

通常一個月都會黎呢間食一次，因為男朋友好鍾意呢間既叉燒腸粉，佢又真係比起好多腸粉店既滑，都幾好味。佢通常點開腸粉同埋炸両，炸両都幾好味，粉皮滑，個油炸鬼都幾脆，不過本身唔食油炸既人，食多幾舊都會覺得有啲漏，但佢就會食曬佢。自己就點開炒米粉，佢啲米粉炒得幾好食，夠乾身，我通常都會問佢地攞辣椒油，撈埋入去食一流。菜呢啲唔使講，基本野，只係一碟普通既水煮菜，每次必點。今次去試左新野，我地未試過既野，牛肉腸粉，成盤野好濃味，用黎送飯差唔多，食曬米粉先點呢兜野，我食左一舊就食唔落去，對面個個食曬，係咁話好味，佢究竟係有幾重口味。但overall呢間都真係好唔錯。