阿叔泰麵 (積信街) (已結業)

知道呢間係新開既分店 大圍新打卡位 今晚終於黎朝聖兩年無去泰國 好掛住泰國既味道 連個名都叫ASOK 完全係泰國地鐵站 裝修好有泰國風格 好岩打卡叫左豬肉船麵 有豬肉同豬肉丸 豬肉份量都多 豬肉丸彈牙 麵底揀左金邊粉 係比較幼身 一黎試左個原湯底 偏甜但有好濃既牛骨味 之後跟足指引 加入白糖 白醋 魚露同辣椒粉 湯底既味道就完全改變左 甜味少左 但有少少酸辣 好神奇 值得一讚既係個炸豬皮 好酥脆但又唔會油膩另外叫左個香葉肉碎炒MAMA 係泰國既公仔麵 有小小辣 但都好開胃 肉碎夠香黎到泰國餐廳一定要叫泰式奶茶 完全係泰國既味道 好正最後仲有個芒果糯米飯做甜品 賣相好靚 暖暖地既糯米飯 配埋香甜既芒果 滿足了仲有好多野想試 下次一定會再黎