L’atlantis (裝修中)

好耐好耐冇去過沙灘，於是今晚約埋另一pair吃貨情侶黎黃金海岸玩，順便book埋L’atlantis食晚飯。呢間餐廳正正喺沙灘隔離，超級方便，亦設室內同室外坐位，個景冇得頂🏖各款前菜都餃得好精緻。我好中意兩款用三文魚作主題嘅appetizer。當中三文魚他他非常新鮮，配啲菜亦好清爽、開胃。餐湯有忌廉及匈牙利牛肉湯。後者帶辛辣味，較為惹味😙以下呢道係用Openrice book枱並消費滿$500送嘅菜式，亦係佢地嘅招牌菜——香檳黑松露南非五頭鮑。賣相幾靚，食落好香濃黑松露味，鮑魚亦煮得軟腍，相當不錯。我地點嘅四款主菜都相當不錯，分別有比目魚、鱈魚、黑毛豬架同西冷扒。兩款魚都皮脆肉嫩，當中比目魚油脂豐腴，魚肉雪白，好高質！最後，呢餐以四款homemade甜品作結，有tiramisu, mango cheesecake同朱古力蛋糕。Mango cheesecake帶淡淡嘅芒果香，質地柔滑，好好食！總括黎講，L’atlantis環境舒適，服務非常殷勤，食物不錯，性價比亦高。必定會再來！