影片
更多
2018-12-08
48 瀏覽
自己就係屯門人，但係黃金海岸呢啲咁偏僻既地方都真係好少去。一家人星期日無無聊聊咁去行黃金海岸行下，享受下家庭樂。行左成個沙灘肚就餓了，要搵野食。 阿媽提議食日本野，咁上網搵下就搵到呢間餐廳。本身以為係bar 但原來佢係間日本餐廳喎。入到去地方好大，入面仲可以live 睇壽司師傅整壽司，好寫意。坐低左睇下有咩叫，好多款日本料理都available。第一個既係個蒲燒鰻魚忌廉芝士卷，個鰻魚同芝士好夾，芝士冇蓋過鰻魚既味道，又唔會太過肥膩。之後黎左軟殼蟹沙律，軟殼蟹份量唔少有好多舊下，唔會放太耐成舊淋哂霉哂咁，上面仲有千島醬同蟹子，連埋沙律菜食夠哂refreshing...做前菜係明智之選。想食下啲炸野，忍唔住叫左個吉列日本黑豚西冷，佢唔炸得好過火乾柴柴咁，唔會好似食緊豬肉乾咁，個醬係加分位，酸酸甜甜咁去左炸野本身有既肥膩感。黎到main dish 就一定係壽司啦，特上雜錦壽司夠哂有誠意，睇住個師傅即時整夠哂fresh。突出既係佢個吞拿魚腩非常甘甜肥美，海膽都係夠高質，鮮甜得黎唔會腥，有淡淡既海水味。叫番啲熱野balance 番，老豆提議食豚肉生薑石鍋飯，熱辣辣新鮮即整，豚汁精華落哂個飯到，豚
入到去地方好大，入面仲可以live 睇壽司師傅整壽司，好寫意。坐低左睇下有咩叫，好多款日本料理都available。第一個既係個蒲燒鰻魚忌廉芝士卷，個鰻魚同芝士好夾，芝士冇蓋過鰻魚既味道，又唔會太過肥膩。
之後黎左軟殼蟹沙律，軟殼蟹份量唔少有好多舊下，唔會放太耐成舊淋哂霉哂咁，上面仲有千島醬同蟹子，連埋沙律菜食夠哂refreshing...做前菜係明智之選。
想食下啲炸野，忍唔住叫左個吉列日本黑豚西冷，佢唔炸得好過火乾柴柴咁，唔會好似食緊豬肉乾咁，個醬係加分位，酸酸甜甜咁去左炸野本身有既肥膩感。
黎到main dish 就一定係壽司啦，特上雜錦壽司夠哂有誠意，睇住個師傅即時整夠哂fresh。突出既係佢個吞拿魚腩非常甘甜肥美，海膽都係夠高質，鮮甜得黎唔會腥，有淡淡既海水味。
叫番啲熱野balance 番，老豆提議食豚肉生薑石鍋飯，熱辣辣新鮮即整，豚汁精華落哂個飯到，豚肉唔會過老韌，仲有半熟蛋既蛋汁撈埋落個飯到🤤。
海鮮蒸蛋有驚喜，蛋味濃，火候岩岩好完全唔老，清清地岩哂兩老食。
張貼
