影片
更多
2021-12-02
933 瀏覽
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗依家冇得去旅行，變相多咗平日放假，可以響非繁忙時間食飯，唔使同人迫！天氣開始凍就會想打邊爐，朋友又心思思想食日式放題，所以今次揀咗一間可以滿足我打邊爐同朋友日式放題願望嘅放題店！我哋5點幾去到，7點半前埋單會平少少，我哋揀咗A. 日本料理 + 火鍋 + 甜品 $208+10%！（另外有一款平$40係冇日本料理 / 或者貴$50升級刺身同雪花牛肉）大部分食物用QR code 落單，比起填紙仔環保同方便，呢度嘅network 幾好，落單好順利（因為有D店唔太收到網絡但偏偏用QR code，而店個WiFi 又好弱，load 極都load 唔到會令人發脾氣！），食咗兩個鐘發現冇漏單都出得幾快！另外出面自助區有多種蔬菜、菇類、瓜類、生根、豆卜，連火鍋放題比較少見嘅菜芯苗都有，自助飲品除咗一般嘅汽水罐裝包裝飲品外，仲有啤酒、熱茶、咖啡、果汁，都算幾多選擇！一嚟先放低一盤升級刺身，賣相都幾靚，尤其珍寶赤蝦非常新鮮，蝦頭冇黑，勁多蝦膏流出嚟，珍寶帶子都好好味，其他無論升級唔升級嘅刺身都夠新鮮，質素唔錯！炸物方面自己覺得芝麻雞翼、黃金炸生蠔最好食，另外麻
回頭指數 ⭐️⭐️⭐️⭐️
開心指數🤗🤗🤗🤗
依家冇得去旅行，變相多咗平日放假，可以響非繁忙時間食飯，唔使同人迫！天氣開始凍就會想打邊爐，朋友又心思思想食日式放題，所以今次揀咗一間可以滿足我打邊爐同朋友日式放題願望嘅放題店！
我哋5點幾去到，7點半前埋單會平少少，我哋揀咗A. 日本料理 + 火鍋 + 甜品 $208+10%！
（另外有一款平$40係冇日本料理 / 或者貴$50升級刺身同雪花牛肉）
大部分食物用QR code 落單，比起填紙仔環保同方便，呢度嘅network 幾好，落單好順利（因為有D店唔太收到網絡但偏偏用QR code，而店個WiFi 又好弱，load 極都load 唔到會令人發脾氣！），食咗兩個鐘發現冇漏單都出得幾快！另外出面自助區有多種蔬菜、菇類、瓜類、生根、豆卜，連火鍋放題比較少見嘅菜芯苗都有，自助飲品除咗一般嘅汽水罐裝包裝飲品外，仲有啤酒、熱茶、咖啡、果汁，都算幾多選擇！
一嚟先放低一盤升級刺身，賣相都幾靚，尤其珍寶赤蝦非常新鮮，蝦頭冇黑，勁多蝦膏流出嚟，珍寶帶子都好好味，其他無論升級唔升級嘅刺身都夠新鮮，質素唔錯！
炸物方面自己覺得芝麻雞翼、黃金炸生蠔最好食，另外麻辣鴨血都好入味！食咗一輪日式嘢，就開始打邊爐！
我叫咗蟲草花松茸湯，朋友叫咗椰香沙爹湯，疫情下一人一鍋都幾好wor！海鮮方面日本廣島蠔脹卜卜夠大隻又新鮮，八爪墨魚滑彈牙足料，大白蜆都好鮮甜！肉類方面英國草飼牛肉帶少少肥邊夠爽口，紐西蘭羊肩肉都唔錯！
通常放題嘅甜品都係得雪糕或者普遍都唔多掂，但呢度嘅甜品一D都唔揸流攤，好多款式，我嘅容量冇辦法試到好多款，只可以試到最最最想食嘅四款，竟然質素好高，喜出望外！芒果綿綿冰甜度啱啱好，入口即化，配埋芒果爆珠，我同朋友勁快已經K.O. 晒成碟！宇治抹茶芭菲個抹茶軟雪糕好好味，上面有一粒丸子，加埋脆米同cream 口感唔錯，抹茶控一定要食！榴蓮班戟個皮唔太厚，有少少熟透又香嘅榴蓮肉，正！珍珠伯爵茶奶凍嘅珍珠煮得好好，粒粒分明夠煙韌甜度啱啱好，我呢位珍珠控大讚！
可能去到嘅時間尚早，兩個人安排坐4人卡位，好闊落張檯夠大放食物，坐得食得好舒服！跟住見到6點幾未夠7點已經差唔多坐滿！如果坐2人檯就會比較窄，要睇住張檯嘅位分批點嘢食，不過落單後上菜都快同埋職員收碟都收得好密嘅！
以銅鑼灣呢個地段，收費同食物質素嚟講，算係好平靚正！
張貼
