飲茶 (已結業)

潮流帶起好多新式點心，將舊式傳統點心加入創意黎呈現出得意可愛的賣相。飲茶一開既時候我就比佢非常可愛又同卡通片既煤炭屎鬼生得好似既奶黃飽吸引住。【睇住流奶】呢個名搞笑得黎亦都非常有創意同傳遞到流心奶黃包既特色，一上菜時奶黃包熱辣辣，一撕開既時候熱辣辣既流心奶黃從裂縫中流出黎，不但賣相得意，而且味道仲唔錯。而另外一款綠茶飽我覺得稍微比奶黃飽遜色，綠茶味唔夠重，不過賣相就大大加分 而且杯杯碟碟都精心挑選過，爲食物額外增添一份味道。大家睇下呢隻藍色碟上面既小金魚裝飾，非常精緻可愛~我覺得呢個炸雲吞外面炸得好脆，不過餡料唔多，食落去外皮個粉有點過厚，勉强合格~前面既係【橙棍冬瓜】係由冬瓜條同橙汁整成，酸酸甜甜，味道有少少似橙花骨既味，都幾開胃。 而後面係【刨冰醉雞】，有別於傳統醉鷄，呢款加上左小冰塊係面，不過我認爲對菜式本身影響不大，酒味偏淡，但肉質尚算嫩滑，不過不失。呢款【近墨者黑】係新鮮墨魚汁蛋白炒飯，黑黑既墨魚汁果包住每粒飯，配上鮮嫩蛋白，形成一種好特別既質感，唔錯。整體黎講我覺得食物質素同味道幾好，而且每款點心菜式既賣相都好精緻，價錢中等，都算唔錯~