原點 (已結業)

有咩地方等幾耐都等？ 一定係黃店💛 腐竹雞蛋糖水（左上）而家天氣轉涼，一碗熱辣辣糖水真係會暖入心，超足料腐竹煲到有一半溶入糖水之中，加埋薏米、白果、原隻雞蛋🥚充滿口感，傳統糖水真係歷久不衰💞楊枝甘露（右）西米、芒果、柚子，基本材料配搭而成🤣 想口感豐富啲，會建議叫楊枝甘露仙草（下），糖水會有埋芋圓、椰果同仙草😆 芋圓好煙韌，唔會太粉，仙草大大塊，一啖就滑咗入喉嚨😅😅 好正🥰牛乳仙草（上）有紅豆、芋圓、小丸子同仙草😚 糖水原本唔會太甜，單靠紅豆嘅甜味帶起牛乳味道，成碗糖水好夾😛 鍾意食小丸子嘅唔可以錯過🤩