北海道活壽司 (已結業)

上網search多數都只系見到呢間公司的食品質素的負評，但唔知道有冇人有同我類似的經歷：前日下午茶時間入去食壽司，裏面好少人，迴轉壽司，餐牌話黃色碟是10蚊，就攞咗3碟，埋單前估計加完一就50蚊有找。但系，埋單成一百蚊，收據寫黃色得2碟，金色有1碟！！問點解有金色碟？？我明明全部都食黃色！我就好奇怪，冇理由自己色盲，侍應叫我自己睇下，於是行去迴轉認真睇所有黃色碟，我發現呢間餐廳的奸商經營手法在黃色碟上灑少少不太顯眼的金粉，就話系金色碟而不是黃色！！！黃色碟只是10蚊，但金色就30蚊一碟！！！以後都唔會再去！因為我趕時間去見客，就走咗。第2日下午，我分別打電話去北海道活壽司的旺角、太子、荃灣分店，我問接電話的人：“請問你地公司的黃色碟壽司是系未10蚊？” 答：“系啊”再問：“咁金色碟呢，有乜嘢唔同？”答：“貴d”再問：“黃色碟同金色碟系未好類似呢？有冇客人試過分唔到而投訴呢？”旺角分店接電話員工話：“系幾似嘅，但我地做嘢睇慣咗好易就分出，都試過有客人分唔到嘅...”太子分店接電話員工話：“而家我地好繁忙，或者一陣再回覆你，拜“ （最後無打電話俾返我）荃灣分店接電話員工話：“好容易分姐，冇