水門雞飯 (百宜樓) (已結業)

趁天氣仲未轉涼，就梗係要黎感受下熱辣辣泰國嘅特色，食返個泰式水門雞飯啦。呢間餐廳嘅裝修勁似去左泰國曼谷一樣，可以令我回憶下以前去過泰國嘅感覺。原來即日起星期一至四全線分店3:00pm-5:00pm 招牌水門雞飯只售$30 (只限堂食)，可惜今日假期，唯有下次再黎用優惠價食飯啦泰北咖哩雞面再加餸加牛丸，白滑嘅水門雞配濃濃嘅咖哩汁，比起就咁食水門雞更多一份層次，而牛丸都幾彈牙，可以一試。呢個擺盤精緻嘅鳳尾蝦炒金邊粉上面有四隻鳳尾蝦，每隻都爽口彈牙有蝦味，不過金邊粉就炒得濕左少少，如果可以再乾身少少就會更岩我啦。泰式炆雞腳$18，辣辣地，一共六隻菊花茶$20味道幾濃，同椰青$38一樣係而家夏天嘅消暑佳品。