加藤屋 (路德圍) (已結業)

💛💛💛加藤屋💛💛💛想食牛肉飯又唔想幫襯吉X家？加藤屋就係一個代替品，但始終味道方面都會有少少差別，不論飯定牛肉都係差少少🤨。個免費嘅麵豉湯都幾好飲，裏面仲有啲料。和風咖喱豬扒飯 $49呢個飯量已經係少飯，對我黎講都非常之多，下次可能要嗌少少飯🤔。上菜時見到成塊豬扒浸左落個咖喱到。第一時間心諗「死啦豬扒一定淋晒」。可能因為係新鮮炸，所以就算浸左半塊都仲好正，個豬扒仲係好脆💗。加藤牛肉飯 $44牛肉有啲乾有啲韌，唔會特別食到啲肉汁😩。分別喺荃灣店同深水埗店都食過，每一次個牛肉都係有少少硬，特別係個啲筋位。真係要改善下啦，我唔想我幫襯佢只係因為唔食得吉X家🙄。埋單$93（無加一）