更多
2020-11-06
721 瀏覽
💛💛💛如意冰室💛💛💛近呢一年成日喺灣仔區出沒，但係一次都無食過如意冰室。每次我提議食，啲同事即刻話食過好難食。今次我就自己一個買外賣試試佢。作為一間茶餐廳，佢嘅食物種類多。最引人注意嘅一定係五大訴求餐💛，當中包括沙嗲牛肉、餐肉、火腿、腸仔、煎蛋。不過我今次就無揀到，因為唔想晏晝食嘅嘢同正常早餐或常餐食嘅嘢一樣😂😂。最後我揀咗雞翼撈麵$35，單點唔跟野飲。雞翼係炸雞翼，炸得幾好食，香口又唔會太過燶。不過就無乜肉汁，有少少乾，啲肉有啲鞋，唔知係咪因為煮過龍😣。出乎意料嘅係竟然會比三隻雞翼我🤪🤪！撈麵好似係公仔麵，個汁幾好味，不過偏鹹。不過又唔怪得佢嘅，正常茶餐廳嘅味道都係較濃。同埋係我食開淡口味既食物，每次食親茶餐廳都要叫廚房少鹽，但係因為今次係撈麵，有啲難叫廚房就我😂。食物嘅味道未到我同事講咁難食，我亦會再試吓其他唔同嘅食物，可能更好食🤤🤤。都係果句$35仲想點呀，咁平已經有三隻雞翼同一個麵，仲要係灣仔區喎，一分錢一分貨啦。同埋午市時段除咗識午餐之外，仲有特餐常餐，價錢都唔貴算係唔錯架啦🤑！眼見好多人嗌外賣，我只係等咗5分鐘就拎到，都算係好快。店員態度好好，最緊要手腳快🤙🏻🤙🏻！以前佢貼
近呢一年成日喺灣仔區出沒，但係一次都無食過如意冰室。每次我提議食，啲同事即刻話食過好難食。今次我就自己一個買外賣試試佢。作為一間茶餐廳，佢嘅食物種類多。最引人注意嘅一定係五大訴求餐💛，當中包括沙嗲牛肉、餐肉、火腿、腸仔、煎蛋。不過我今次就無揀到，因為唔想晏晝食嘅嘢同正常早餐或常餐食嘅嘢一樣😂😂。
最後我揀咗雞翼撈麵$35，單點唔跟野飲。
雞翼係炸雞翼，炸得幾好食，香口又唔會太過燶。不過就無乜肉汁，有少少乾，啲肉有啲鞋，唔知係咪因為煮過龍😣。出乎意料嘅係竟然會比三隻雞翼我🤪🤪！撈麵好似係公仔麵，個汁幾好味，不過偏鹹。不過又唔怪得佢嘅，正常茶餐廳嘅味道都係較濃。同埋係我食開淡口味既食物，每次食親茶餐廳都要叫廚房少鹽，但係因為今次係撈麵，有啲難叫廚房就我😂。
雞翼撈麵
$35
18 瀏覽
0 讚好
0 留言
食物嘅味道未到我同事講咁難食，我亦會再試吓其他唔同嘅食物，可能更好食🤤🤤。都係果句$35仲想點呀，咁平已經有三隻雞翼同一個麵，仲要係灣仔區喎，一分錢一分貨啦。同埋午市時段除咗識午餐之外，仲有特餐常餐，價錢都唔貴算係唔錯架啦🤑！
眼見好多人嗌外賣，我只係等咗5分鐘就拎到，都算係好快。店員態度好好，最緊要手腳快🤙🏻🤙🏻！以前佢貼滿成塊玻璃都係memo紙，依家就無左，不過收據上仲有打氣字句💛！
埋單$36（包$1外賣盒）
張貼
