榮少喇沙 (已結業)

今日本身諗住同fd試吓牛摩優惠下午茶，點知遲咗到截曬龍冇得食，又好餓要搵其他嘢食，點知開openrice睇有間榮少喇沙，之前一直已經想試，可惜喺天水圍又係得外賣就自然冇得試啦，今次分店開喺屯市，又有堂食，梗係要試吓啦!入去一睇，裝修其實都算簡潔，一邊牆身擺咗幅畫，另一邊就係白色一幅牆，有啲寄賣賀年糕點嘅poster咁，近門口嗰邊係落地窗，有張bar枱喺嗰度，不過其實喺3點幾嗰陣喺嗰度坐已經覺得好熱，希望佢哋遲啲加返塊窗簾啦🥺 不過大懵嘅I先生就唔記得影返啲環境嘅相俾大家睇啦🙈🙈諗住嗌啲嘢食，但係Menu度其實嘢食唔多，大致都係分咗麵/飯/小食/飲品4類，每類大致都係有幾款咁，最後我同fd都嗌咗個珍寶雜錦喇沙，要油麵溝米粉，另外再加個越式米網春卷同要杯檸檬薏米水。話說回頭，幫我哋落單嘅應該係老闆，唔好見佢紋身又食煙咁，其實好豪爽親切㗎!等咗幾分鐘左右，啲嘢食到啦，完全唔耐，傾陣計就到，試咗個喇沙嘅湯底先，唔算好辣，就算唔食得辣嘅都食到，好重椰奶味，正! 食吓個麵，啲米粉同油麵撈埋一齊，兩重層次咁樣，好食! 個豬軟骨就夠淋夠入味，都好好食! 個薏米水唔甜，篤吓塊檸檬酸酸哋咁，啲薏米大大粒好