桔梗 (已結業)

因為係黃店而且好受歡迎所以夜晚去咗試下，點知伏到爆。夜晚7點去到因為有book位所以即刻入到去，menu得risotto同salad仲有啲小食，去到收銀order發現冇曬沙律，就order咗龍蝦蕃茄risotto同干貝翠肉瓜risotto，仲叫咗打卡精選嘅嘢飲(就係叫呢個名)，然後等咗差唔多1個鐘。杯打卡精選就係杯普通coffee，拎到嚟都融合曬，完全冇打卡嘅價值，後面杯拉花睇落仲啱打卡。跟住個龍蝦蕃茄risotto又好酸，啲味搶曬fo。干貝翠肉瓜risotto食耐咗又太膩，而且啲飯好似燶咗咁好難哽，食到一半已經唔係好想食落去。然後個收費仲有加一服務費，除咗啲staff拎碟飯過嚟之外，拎餐具倒水落order都係自己做曬，服務咗係邊？如果話個價包氣氛又唔值，餐廳環境睇落似學校食堂，嘈，廁所又污糟仲要得一格。好心一係就唔好加服務費一係就個餐減價啦，呢個價我都可以食放題了，個餐嘅量又唔係多。雖然係黃店啫都要有足夠服務同好食㗎，又貴又唔好食，嚟一次就算。