滬狀元 (已結業)

.#foodie #hk #hkfoodie #HTB美食推介【黃大仙街市小店｜🥟爆汁生煎包脫穎而出】🐨狀元生煎包 $9 / 狀元鍋貼 $7 推薦度：⭐️⭐⭐️⭐️⭐️平時撞完生煎包一定要兩個起，咁啱小編買嗰陣得返一個，所以有quota試埋鍋貼～雖然兩樣個外表睇落都係平平無奇，夾起嗰陣仲擔心佢好似好乾咁，但一咬落去即刻爆汁，小編即刻嚇親🙈 個皮薄而且軟鬆，加上煎到焦底酥脆，豬肉餡醃得好入味～ 勉強要比較嘅話，生煎包個皮脆同腍嘅比例加上爆汁嘅量會比鍋貼好少少！而且咬嚼時有芝麻及蔥香，口感就更加豐富有層次🥟.🐨排骨擔擔麵 $52推薦度：⭐️⭐️⭐️⭐️⭐首先，湯底好濃郁，表面佈滿炒香咗嘅花生碎同肉碎，而且店舖選擇左幼麵，所以好掛湯，整體有少少香辣、好惹味！另有一片肥瘦比例適中而均勻嘅排骨，切開細細片上，所以堂食都好方便，排骨有厚度，應該係成塊直接炸無特別包炸粉，但都唔會好乾.. 抵讚！加上，味道都有預先醃過，鹹鹹地好夠味~~.🐨蜜桃烏龍茶 $10推薦度：⭐️⭐️⭐️⭐️佢係一支支樽裝無貼牌子，唔知係唔係自家製😂 味道好清香，有少少唔算好濃嘅蜜桃香味，而且唔會好甜，飲到少少茶嘅甘香~.🐨桂花冷糕 $8/2件推薦度：