滬狀元 (已結業)

呢排去咗黃大仙竹園邨到探朋友，順便食飯；聽朋友介紹話街市有好多平靚正嘅美食賣，發現真係有好多唔同款式嘅野食，最尾簡咗呢間食上海菜嘅餐廳；餐廳主要做外賣生意，當日都有好多街坊幫襯。🥢狀元生煎包（4件）呢到嘅生煎包真心幾出色，仲要係即叫即製；生煎包食落外皮鬆軟，包底煎到好香脆，大家食個陣要小心，因為個包有多湯汁，一大啖咬落去個陣，啲湯汁吱哂出黎。🥢狀元小籠包（4件）呢到嘅小籠包嘅豬肉餡都幾大舊，肉質都幾新鮮，湯汁亦都有好多，味道濃郁鮮甜，建議先咬一細啖，飲咗啲湯先，跟住先再食哂成舊小籠包。🥢狀元擔擔面平時食擔擔面都偏重花生味，辣度反而無咩；但呢間鋪嘅擔擔面係辣味重過花生味，岩哂我呢啲鐘意食辣嘅人，呢到嘅麵煮得偏淋，但麵都吸收到湯嘅味道。🥢蔥油拌面平時嘅蔥油拌面都係好油膩，呢個係健康嘅拌面，感覺無出面嘅咁油膩，呢個面略偏重醬油味，但葱油味道都頗香濃，配埋咸香嘅醬油，味道真係幾夾。🍵百香果金橘茶呢個係餐廳自家制嘅飲品，味道帶有淡淡嘅金橘味，味道都幾fresh，好岩解渴飲。